Sesion informues në Fushë-Krujë

Data 19 Nëntor 2021

Me të rinjtë, për të rinjtë!

Në kuadër të implementimit të tij, “Fol kundër gjuhës së urrejtjes” kësaj here u ndal në Fushë-Krujë. 

Të rinjtë pjesëmarrës në workshop-in e organizuar u njohën mbi konceptin e gjuhës së urrejtjes. Nëpërmjet diskutimeve të tyre, ata vlerësuan shkaqet dhe pasojat e saj dhe dhanë ide se si ata vetë mund të përballen me gjuhën e urrejtjes.

Gjimnazi “Shote Galica” ishte streha e këtij workshop-i, i cili u drejtua nga trajnerët tanë me eksperiencë në edukimin jo formal. Me anë të inovacionit që sjellin këto metoda, të rinjtë simuluan role për të kuptuar më mirë se si ndihen personat që bëhen viktima të gjuhës së urrejtjes.

Falenderime të sinqerta shkojnë për znj. Rovena Arra, mësuese dhe koordinatore e aktiviteteve në shkollën “Shote Galica” për bashkëpunimin në organizimin e këtij aktiviteti.

Ky projekt është mbështetur nga Bashkimi Evropian dhe Këshilli i Evropës si pjesë  e “Instrumenti Horizontal për Ballkanin Perëndimor dhe Turqinë 2019-2022″.

Gjithashtu ky event bashkëfinancohet nga projekti “Shqipëria e barabartë”, i cili  zbatohet nga Open Mind Spectrum Albania  dhe Përtej Barrierave me mbështetjen financiare të Programit të Granteve të Vogla të Komisionit për Demokraci të Ambasadës së SHBA në Tiranë.