Sesion informues në Tiranë

Data 7 Korrik 2021

Ndalesa e rradhës për “Fol kundër gjuhës së urrejtjes” ishte sot në kryeqytet.

25 të rinj të Tiranës morën pjesë në workshop-in kreativ mbi gjuhën e urrejtjes ku diskutuan shkaqet dhe pasojat e saj, si dhe menyrat e luftimit nga ana e tyre të këtij fenomeni. 

Workshop-i i realizuar pranë mjediseve të Bibliotekës “Moikom Zeqo” u drejtua nga trajnerët tanë me eksperiencë në edukimin jo formal dhe atë bashkëmoshatar. Kjo lloj qasje i vuri të rinjtë në një ushtrim simulues me role për të kuptuar më mirë se si ndihen ata që bien pre e gjuhës së urrejtjes.

Falenderime shkojnë për znj. Iva Beharaj – Drejtoreshë e Rinisë në Bashkinë Tiranë, për bashkëpunimin në organizimin e këtij aktiviteti.

Ky projekt është mbështetur nga Bashkimi Evropian dhe Këshilli i Evropës si pjesë  e “Instrumenti Horizontal për Ballkanin Perëndimor dhe Turqinë 2019-2022″.

Gjithashtu ky event bashkëfinancohet nga projekti “Shqipëria e barabartë”, i cili  zbatohet nga Open Mind Spectrum Albania  dhe Përtej Barrierave me mbështetjen financiare të Programit të Granteve të Vogla të Komisionit për Demokraci të Ambasadës së SHBA në Tiranë U.S. Embassy-Tirana.